Once compañías socias do Clúster TIC Galicia conseguiron a homologación necesaria para poder ofrecer servizos de ciberseguridade a pemes galegas, no marco do programa Empresa Cibersegura 2025 do IGAPE.

A Asociación Área Empresarial do Tambre ofrece aos seus asociados a posibilidade de participar no Programa Xeración Dixital Pemes: Equipos Directivos da consultora formativo-tecnolóxica Galicia Business School. Este programa, de carácter gratuíto, está dirixido a directivos, profesionais e autónomos que buscan afrontar os desafíos da era dixital e potenciar a competitividade dos seus negocios.

O Concello de Boiro ofrece un curso de robótica, drons, lentes e realidade virtual e impresión 3D dirixido a rapaces e rapazas de entre 8 e 14 anos co obxectivo de “fomentar a aprendizaxe e desenvolvemento de habilidades tecnolóxicas básicas nunha contorna educativa e lúdica”. Para participar é preciso inscrición previa.

O Colexio Profesional de Enxeñaría en Informática de Galicia (CPEIG), en colaboración coas tres universidades públicas galegas (a Universidade da Coruña, UDC; a Universidade de Santiago, USC; e a Universidade de Vigo, UVigo), organizará a Olimpíada Informática Galega 2026 (OIG 2026) o vindeiro 6 de febreiro.

Marathon OS chega como unha proposta singular no panorama da mobilidade. Inspirado na experiencia de BlackBerry 10, o sistema operativo aposta por recuperar a fluidez da navegación por xestos e a produtividade integrada, pero adaptadas ao contexto actual. O proxecto, liderado polo desenvolvedor Patrick J. Quinn, constrúese sobre PostmarketOS e emprega un compositor Wayland escrito en Qt6, o que lle permite executar aplicacións nativas de Linux, apps propias empaquetadas en formato .marathon e, nun futuro próximo, software Android grazas a un fork de Waydroid.

Máis de 30 estudantes do primeiro curso do grao en Relacións Laborais e Recursos Humanos, titulación que se imparte na Facultade de Ciencias do Traballo do Campus Industrial de Ferrol, están a participar no proxecto de Aprendizaxe Servizo (ApS) Deseño e Impartición de Obradoiros de Alfabetización Dixital que promoven os profesores Joaquín Enríquez, Begoña Álvarez e Jorge Pérez no marco da materia de Informática Básica.

O 30 de novembro de 2022 OpenAI presentaba ao mundo «ChatGPT, un modelo que interactúa cos usuarios como se mantivese unha conversa», descrición tan discreta como precisa, que non anticipaba a revolución que estaría por chegar. Aquel experimento público converteuse nun fenómeno de masas, alterou a planificación a longo prazo das grandes empresas tecnolóxicas e abriu a porta a unha vaga de produtos e servizos de intelixencia artificial xerativa.

Fillos.org, en palabras do seus creadores “a primeira rede social para galegos de todo o mundo”, anunciou oficialmente a súa disolución logo de tres décadas achegando servizos de “centro galego virtual” e de iniciativa pioneira da nosa Internet. O peche de Fillos.org, que chega tras varios anos de inactividade, foi acordado este pasado verán en asemblea online polos socios da asociación cultural responsábel da plataforma, ante “a falta de recursos económicos e humanos para revivir o proxecto”.

A Deputación de Pontevedra organiza esta semana cinco novos obradoiros de capacitación tecnolóxica ao abeiro da Rede SmartPeme+. As accións, en formato telemático (todas requirindo inscrición previa), celebraranse dende este luns 1 ao mércores 3 de decembro e afondarán en cuestións de interese para o tecido empresarial da provincia (pemes, persoas autónomas, profesionais de calquera sector) como o rexistro dunha marca, a ciberseguridade ou o deseño gráfico, entre outros.

A Casa de Cultura de Portas acolle este mércores, 3 de decembro ás 19:00 horas un novo faladoiro da terceira edición do programa podcast Aquí faltan páxinas, impulsado pola Deputación de Pontevedra para rescatar as historias de mulleres que non adoitan ser contadas. A protagonista da actividade será Concepción Pérez Iglesias, quen foi a primeira alcaldesa de Galicia e “simboliza o acceso das mulleres á política nunha época marcada pola ditadura de Primo de Rivera”, explicou a Deputación.

O foro I+P, Ideas para Producir celebrou estes venres 28 de novembro, no Coruña Estudio Inmersivo (CEI), a xornada central da súa 19ª edición coa presentación de 17 proxectos de cinema e televisión ante os decision makers de canles e plataformas. Organizado polo Clúster Audiovisual Galego, este evento boutique reuniu máis de 150 persoas na Coruña, facilitou alianzas creativas e comerciais, e promoveu a venda, financiamento, distribución e coprodución de contidos audiovisuais.

Epic Games volve situarse no centro do debate sobre a integración da intelixencia artificial na industria do videoxogo tras comentarios do seu director xeral, Tim Sweeney, quen manifestou que as etiquetas Made with AI que Steam e outras tendas dixitais están a empregar para sinalar contidos xerados con ferramentas de IA deberían desaparecer. Segundo o empresario, estas advertencias perderán relevancia a medida que a tecnoloxía se converta nun elemento omnipresente nos procesos de produción.

O conselleiro de Educación e Ciencia, Román Rodríguez, acompañado da directora de GAIN, Carmen Cotelo, anunciou o rescate por parte da Administración autonómica de sete proxectos de empresas de alicerce tecnolóxico que non obtiveron financiamento estatal. Engadiu que a contía vixente mobilizada pola Xunta é de 1,6 millóns de euros. Fíxoo durante unha visita á sede de Binarial Automatización e Robótica, en Milladoiro (Ames), empresa beneficiaria desta liña de axudas (programa de recuperación da excelencia Neotec) que suma en total 11,7 millóns de euros e 37 proxectos de innovación apoiados dende 2021.

O Talentia Summit abrirá a súa edición deste ano o próximo 4 de decembro, cun Foro Talentia dedicado a abordar os cambios que a Intelixencia Artificial e a Xeración Z están a introducir nas empresas, nos modelos de traballo e nos perfís profesionais. A concelleira de Dereitos e Servizos Sociais, Promoción Económica e Emprego, María Rozas, presentou o evento nunha rolda de prensa na que tamén avanzou os detalles da Feira Talentia, que se desenvolverá do 9 ao 11 de decembro.

O Ministerio de Dereitos Sociais, Consumo e Axenda 2030 fixo pública a sanción a sete grandes empresas por prácticas de rebaixas enganosas durante o Black Friday de 2023. As multas ascenden a un total de 350.000 euros e inclúen, ademais da sanción económica, a obrigatoriedade de facer pública a identidade das marcas implicadas.

Dende o CPEIG (Colexio Profesional de Enxeñaría en Informática de Galicia) veñen de anunciar unha nova convocatorio do seu Concurso de Postais de Nadal dirixido a nenas, nenos e adolescentes de 3 a 18 anos.

A presentación de Nano Banana Pro, modelo gráfico baseado en Gemini 3 Pro, está a levar á repetición do fenómeno que supuxo a presentación da primeira versión de Nano Banana, xa que o sistema deu un salto de calidade impresionante, non só creando imaxes máis realistas e con máis detalles, senón tamén facilitando a posibilidade de crear infografías e diagramas (que incluso poden beber de datos en liña) con textos creados con maior precisión.

Máis de 340 mozas e mozos participaron xa nas actividades do proxecto Emprendendo nas Aulas da Cámara de Santiago, que arrincou hai dous meses e que está encadrado no programa Provincia Emprendedora, impulsado entre a Cámara de Comercio de Santiago e a Deputación Provincial da Coruña. Entre os seus obxectivos figura o fomento do espírito emprendedor no eido educativo. Calcúlase que, ao longo do curso escolar, sexan desenvolvidas máis de 60 sesións na que participarán máis de 600 asistentes.

A segunda edición do programa de dinamización lingüística Falamos +, no que participaron dez centros de educación infantil e primaria repartidos polas catro provincias galegas, remataba hoxe, venres 28 de novembro, no colexio Froebel (Pontevedra).

Patrimoniogalego.net, o maior catálogo social en liña dos bens culturais de Galicia, presentou nesta recta final de novembro unha importante novidade: unha versión para teléfonos móbiles gratuíta á que se pode acceder desde o propio sitio, co “obxectivo de dotar os cidadáns dunha ferramenta para explorar e coñecer a riqueza e densidade das paisaxes culturais de Galicia”, informou o equipo responsábel da plataforma, engadindo que a app dá acceso a máis de 600.000 elementos materiais e inmateriais do noso patrimonio cultural, comezando polos 14.000 bens materiais rexistrados na propia web, dos que se ofrece información estendida.

O Colexio Profesional de Enxeñaría en Informática de Galicia (CPEIG) anunciou o seu apoio a Cáritas Interparroquial de Santiago para a súa campaña de Nadal. A través desta colaboración, materializada a través dos colexiados do CPEIG e de empresas tecnolóxicas, o colexio doará ordenadores, tabletas ou móbiles novos.

As Naves do Metrosidero acolleron este xoves 27 de novembro á tarde a gravación do primeiro episodio de Fóra de guión, o novo podcast xuvenil en directo impulsado polo Concello da Coruña e dirixido á mocidade de entre 12 e 30 anos. A sesión, centrada nas adiccións dixitais e o xogo en liña, rexistrou unha alta participación, consolidando este formato como un novo espazo de encontro e reflexión para a xente nova.

O Edificio Fontán da Cidade da Cultura, en Santiago de Compostela, foi escenario este xoves da entrega dos Premios Gallegos del Año 2025, que celebran a súa 33ª edición. A cita reuniu a unha ampla representación da sociedade civil galega e distinguiu a cinco personalidades que, desde ámbitos diversos, proxectan a imaxe de Galicia máis alá das súas fronteiras.

A directora xeral de Promoción da Igualdade, María Quintiana, salientou esta tarde o respaldo do Goberno galego a iniciativas de vangarda que buscan dar voz ás mulleres que viven no rural. Así o indicou na presentación de Mulleres en Rede, un proxecto impulsado pola Asociación Cultural Castelo Conta e o Colectivo Grigri en colaboración coa Xunta de Galicia.

O operador Digi leva uns anos medrando en Galicia con moita forza, en boa medida porque nalgunhas cidades ofrece a súa fibra Smart, que supón 10 euros de desconto ao mes a maiores dos seus xa competitivos prezos. Deste xeito, por exemplo, os cidadáns da Coruña poden contratar unha conexión de fibra de 500 Mbps e dúas liñas móbiles con datos e chamadas ilimitados por só 22 euros/mes.