O foro I+P, Ideas para Producir celebrou estes venres 28 de novembro, no Coruña Estudio Inmersivo (CEI), a xornada central da súa 19ª edición coa presentación de 17 proxectos de cinema e televisión ante os decision makers de canles e plataformas. Organizado polo Clúster Audiovisual Galego, este evento boutique reuniu máis de 150 persoas na Coruña, facilitou alianzas creativas e comerciais, e promoveu a venda, financiamento, distribución e coprodución de contidos audiovisuais.

Epic Games volve situarse no centro do debate sobre a integración da intelixencia artificial na industria do videoxogo tras comentarios do seu director xeral, Tim Sweeney, quen manifestou que as etiquetas Made with AI que Steam e outras tendas dixitais están a empregar para sinalar contidos xerados con ferramentas de IA deberían desaparecer. Segundo o empresario, estas advertencias perderán relevancia a medida que a tecnoloxía se converta nun elemento omnipresente nos procesos de produción.

O conselleiro de Educación e Ciencia, Román Rodríguez, acompañado da directora de GAIN, Carmen Cotelo, anunciou o rescate por parte da Administración autonómica de sete proxectos de empresas de alicerce tecnolóxico que non obtiveron financiamento estatal. Engadiu que a contía vixente mobilizada pola Xunta é de 1,6 millóns de euros. Fíxoo durante unha visita á sede de Binarial Automatización e Robótica, en Milladoiro (Ames), empresa beneficiaria desta liña de axudas (programa de recuperación da excelencia Neotec) que suma en total 11,7 millóns de euros e 37 proxectos de innovación apoiados dende 2021.

O Talentia Summit abrirá a súa edición deste ano o próximo 4 de decembro, cun Foro Talentia dedicado a abordar os cambios que a Intelixencia Artificial e a Xeración Z están a introducir nas empresas, nos modelos de traballo e nos perfís profesionais. A concelleira de Dereitos e Servizos Sociais, Promoción Económica e Emprego, María Rozas, presentou o evento nunha rolda de prensa na que tamén avanzou os detalles da Feira Talentia, que se desenvolverá do 9 ao 11 de decembro.

O Ministerio de Dereitos Sociais, Consumo e Axenda 2030 fixo pública a sanción a sete grandes empresas por prácticas de rebaixas enganosas durante o Black Friday de 2023. As multas ascenden a un total de 350.000 euros e inclúen, ademais da sanción económica, a obrigatoriedade de facer pública a identidade das marcas implicadas.

Dende o CPEIG (Colexio Profesional de Enxeñaría en Informática de Galicia) veñen de anunciar unha nova convocatorio do seu Concurso de Postais de Nadal dirixido a nenas, nenos e adolescentes de 3 a 18 anos.

A presentación de Nano Banana Pro, modelo gráfico baseado en Gemini 3 Pro, está a levar á repetición do fenómeno que supuxo a presentación da primeira versión de Nano Banana, xa que o sistema deu un salto de calidade impresionante, non só creando imaxes máis realistas e con máis detalles, senón tamén facilitando a posibilidade de crear infografías e diagramas (que incluso poden beber de datos en liña) con textos creados con maior precisión.

Máis de 340 mozas e mozos participaron xa nas actividades do proxecto Emprendendo nas Aulas da Cámara de Santiago, que arrincou hai dous meses e que está encadrado no programa Provincia Emprendedora, impulsado entre a Cámara de Comercio de Santiago e a Deputación Provincial da Coruña. Entre os seus obxectivos figura o fomento do espírito emprendedor no eido educativo. Calcúlase que, ao longo do curso escolar, sexan desenvolvidas máis de 60 sesións na que participarán máis de 600 asistentes.

A segunda edición do programa de dinamización lingüística Falamos +, no que participaron dez centros de educación infantil e primaria repartidos polas catro provincias galegas, remataba hoxe, venres 28 de novembro, no colexio Froebel (Pontevedra).

Patrimoniogalego.net, o maior catálogo social en liña dos bens culturais de Galicia, presentou nesta recta final de novembro unha importante novidade: unha versión para teléfonos móbiles gratuíta á que se pode acceder desde o propio sitio, co “obxectivo de dotar os cidadáns dunha ferramenta para explorar e coñecer a riqueza e densidade das paisaxes culturais de Galicia”, informou o equipo responsábel da plataforma, engadindo que a app dá acceso a máis de 600.000 elementos materiais e inmateriais do noso patrimonio cultural, comezando polos 14.000 bens materiais rexistrados na propia web, dos que se ofrece información estendida.

O Colexio Profesional de Enxeñaría en Informática de Galicia (CPEIG) anunciou o seu apoio a Cáritas Interparroquial de Santiago para a súa campaña de Nadal. A través desta colaboración, materializada a través dos colexiados do CPEIG e de empresas tecnolóxicas, o colexio doará ordenadores, tabletas ou móbiles novos.

As Naves do Metrosidero acolleron este xoves 27 de novembro á tarde a gravación do primeiro episodio de Fóra de guión, o novo podcast xuvenil en directo impulsado polo Concello da Coruña e dirixido á mocidade de entre 12 e 30 anos. A sesión, centrada nas adiccións dixitais e o xogo en liña, rexistrou unha alta participación, consolidando este formato como un novo espazo de encontro e reflexión para a xente nova.

O Edificio Fontán da Cidade da Cultura, en Santiago de Compostela, foi escenario este xoves da entrega dos Premios Gallegos del Año 2025, que celebran a súa 33ª edición. A cita reuniu a unha ampla representación da sociedade civil galega e distinguiu a cinco personalidades que, desde ámbitos diversos, proxectan a imaxe de Galicia máis alá das súas fronteiras.

A directora xeral de Promoción da Igualdade, María Quintiana, salientou esta tarde o respaldo do Goberno galego a iniciativas de vangarda que buscan dar voz ás mulleres que viven no rural. Así o indicou na presentación de Mulleres en Rede, un proxecto impulsado pola Asociación Cultural Castelo Conta e o Colectivo Grigri en colaboración coa Xunta de Galicia.

O operador Digi leva uns anos medrando en Galicia con moita forza, en boa medida porque nalgunhas cidades ofrece a súa fibra Smart, que supón 10 euros de desconto ao mes a maiores dos seus xa competitivos prezos. Deste xeito, por exemplo, os cidadáns da Coruña poden contratar unha conexión de fibra de 500 Mbps e dúas liñas móbiles con datos e chamadas ilimitados por só 22 euros/mes.

O Concello de Vilagarcía deu un importante paso para modernizar a xestión do Padrón Municipal, que se vinculará co Censo e o Catastro, o que, segundo o Goberno local, “permitirá cruzar os datos”. O Concello engadiu que esta novidade mellorará a esposta que se dá dende a Administración, que “será máis áxil, e á súa vez tamén permitirá aos usuarios realizar novos trámites telematicamente”.

A Confederación de Empresarios de Galicia (CEG), en colaboración co Consello Económico e Social de España (CES), organizou este xoves 27 de novembro a xornada Ciberseguridade: Protección dos Cidadáns e Crecemento Económico.

Máis de cincuenta persoas achegáronse este 27 de novembro á sede central da Confederación de Empresarios de Lugo (CEL) para participar nunha sesión divulgativa sobre as novidades normativas en materia de Sistemas Informáticos de Facturación e sistema Verifactu. A cita veu da man da organización empresarial lucense coa delegación da Axencia Estatal de Administración Tributaria (AEAT) en Lugo.

O conselleiro de Educación, Román Rodríguez, participou este xoves 27 no lanzamento dos retos da III edición do programa InnovaTech FP, que este ano acada un novo récord de participación: máis de 1.000 estudantes, un 7% máis que na pasada edición, e 20 empresas implicadas, o dobre que na súa primeira convocatoria.

Alibaba vén de presentar en China a nova gama Quark AI Glasses, unha liña de lentes conectadas composta por tres variantes do modelo insignia S1, dotado de dobre pantalla, e outras tres versións do modelo G1, orientado ao uso cotián e centrado na cámara. Con opcións variadas de monturas e tipos de lentes, todos estes dispositivos integran de maneira nativa o modelo de intelixencia artificial avanzado Qwen e a recentemente estreada aplicación Qwen App, permitindo acceder á asistencia por voz mediante a orde «Hello Qwen» ou a través de controis táctiles.

O Museo Santiago Rey Fernández-Latorre acolleu onte unha nova edición do foro Next Spain, promovido por La Voz de Galicia e Vocento, coa colaboración de Telefónica. A xornada, que xa pasara por cidades como Málaga, Valencia ou Xixón, puxo o foco nos grandes retos tecnolóxicos e sociais que afronta o país, cunha especial atención á sustentabilidade, á innovación e á protección fronte ás ameazas dixitais.

OpenAI fixo público un comunicado no que detalla un incidente de seguridade acontecido en Mixpanel, empresa de analítica de datos que a compañía utilizaba para o seguimento do uso da súa plataforma API. O ataque, detectado o 9 de novembro de 2025, permitiu a un actor malicioso exportar un conxunto limitado de información identificable de clientes e datos de analítica. Segundo OpenAI, non se tratou dun acceso non autorizado aos seus propios sistemas, nin afectou a usuarios de ChatGPT ou doutros produtos.

O vindeiro venres 5 de decembro a Cámara de Comercio de Santiago vai organiza unha nova xornada de transformación tecnolóxica ao servizo das pemes e das persoas autónomas da contorna. Estamos falar da xornada en liña (e de balde) Un día na empresa con ferramentas de IA, abeirada ao Programa Kit Dixital de Red.es. Será o venres 5 a partir das 10.00 horas.

Estamos afeitos a ver que cando unha plataforma de streaming realiza algunha retransmisión en directo masiva, como unha velada de boxeo polémica, experimente serios problemas á hora de atender a elevada demanda técnica na súa infraestrutura, pero iso tamén pode acontecer con contidos en diferido, como se comprobou a pasada madrugada en Netflix, ca estrea da derradeira tempada de Stranger Things.

A Mesa pola Normalización Lingüística trasladoulle ao conselleiro de Presidencia, Xustiza e Deportes, Diego Calvo, as queixas recibidas a través da aplicación A Liña do Galego sobre a ausencia da nosa lingua nos materiais e na web do proxecto Adestra a túa saúde, poñendo como exemplo o Plan autonómico de prescripción de actividad física y ejercicio físico orientado a la salud, só dispoñíbel en castelán.