A reflexión e a voz das mulleres no xornalismo de opinión destacaron este luns 30 de xuño co acto de entrega dos premios da terceira edición de #MulleresQueOpinan, celebrado no exterior do Pazo provincial de Pontevedra. A escritora e columnista Dores Tembrás foi recoñecida na categoría en galego polo seu artigo "Iluminadas. A orde violeta", mentres que a xornalista Alba Chaves Abelleira recibiu o premio en castelán por "La mayor y la peor". Ambas as dúas foron elixidas entre os 22 artigos presentados (12 en castelán e 10 en galego), e recibirán 1.000 euros como recoñecemento polo seu traballo. A entrega contou coa presenza do vicepresidente da Deputación de Pontevedra, Rafa Domínguez, a deputada de Igualdade, Sandra Bastos, e a concelleira de Igualdade de Pontevedra, Anabel Gulías. "Amosamos que as mulleres deben ocupar espazos no xornalismo de opinión e nos postos directivos dos medios", destacou Domínguez durante a entrega, subliñando a importancia de fomentar espazos nos que "as voces das mulleres sexan benvidas, escoitadas e recoñecidas non só nos medios, senón nas institucións públicas e todos os eidos da sociedade". Os premios forman parte das accións complementarias ao encontro "As mulleres que opinan son perigosas", e buscan impulsar a participación feminina no xénero de opinión, así como visibilizar novas voces xornalísticas. As participantes podían presentar artigos inéditos ou publicados en medios nos que colaboran, sempre que estivesen vinculados coa experiencia no encontro ou coas temáticas tratadas nas sesións e mesas de debate. Durante o acto, Domínguez tamén fixo fincapé no contexto social e mediático actual, no que "a sobreinformación e a desinformación dificultan que unha sociedade sexa libre e estea ben informada", e vinculou estas dinámicas coas "principais problemáticas da sociedade, como a violencia de xénero e a desigualdade". "Debemos insistir en que a violencia de xénero existe e ten consecuencias catastróficas", advertiu, lembrando os recentes feminicidios. "A igualdade é un obxectivo irrenunciable do noso goberno, e non imos escatimar esforzos nin recursos para conseguilo".

As gañadoras, que recibirán cada unha 1.000 euros, foron Dores Tembrás por “Iluminadas. A orde violeta” en galego e Alba Chaves Abelleira por “La mayor y la peor” en castelán

Con esta iniciativa preténdese promover o exercicio da opinión xornalística por parte das mulleres e fomentar o nacemento dunha nova canteira de opinadoras

La Diputación de Pontevedra abre este lunes el plazo para presentar artículos a los premios '#MulleresQueOpinan'. ¡Apúntate!

A Deputación de Pontevedra abriu o prazo para os premios #MulleresQueOpinan. Estes galardóns están destinados a impulsar a opinión xornalística feminina e fomentar o nacemento de novas voces no ámbito da opinión. Premiarán con 1.000 euros os mellores artigos, escritos tanto en galego como en castelán, que aborden as temáticas tratadas no encontro "As mulleres que opinan son perigrosas", celebrado durante esta fin de semana no Teatro Principal de Pontevedra. Os Premios #MulleresQueOpinan, promovidos pola institución provincial en colaboración co Concello de Pontevedra, están abertos a artigos que reflictan a experiencia persoal como espectadora ou asistente ao encontro, así como a reflexións sobre os temas discutidos nos relatorios e nas roldas de preguntas. O único requisito é que o texto acredite a asistencia ao foro. Os artigos presentados deben ser orixinais, contar cun titular e un corpo de texto cunha extensión máxima de 3.000 caracteres, sen contar espazos. Aceptan tanto textos inéditos como artigos xa publicados por xornalistas que cubriron o foro e publicaron os seus textos nos medios que traballan. As bases do certame están dispoñibles no Boletín Oficial da Provincia de Pontevedra. O prazo para presentar as solicitudes, preferiblemente a través da sede electrónica da Deputación, finalizará o 8 de abril.

Con estes premios preténdese promover o exercicio da opinión xornalística por parte das mulleres e fomentar o nacemento dunha nova canteira de opinadoras

A institución provincial repartirá 2.000 euros aos mellores artigos de opinión en galego e castelán sobre a experiencia de asistir ao foro As mulleres que opinan son perigosas, que terá lugar o 14 e 15 de marzo, ou sobre as temáticas que se traten nel