Coftal Ɓalli Men, tedduɓe heɗiiɓe Rfi fulfulde e onon yeeɓooɓe min e mejaaji men renndo, on calminaama ! Bisimillah mon. Yeewtere men hannde tedduɓe Maa en kaal e LDC champions doŋre Afrik, ñalaande 6ɓiire e nder ñalɗi jeegom daawal gadanal ngal naa mbiyen daawal seteeji ɗi.

E ɗee balɗe ɗiɗi jonnde, hooreeɓe leyɗe Afrik ɗe njewtidi e toɓɓe kewɗe e dow ardagol kesol hooreejo Burundi Évariste Ndayishimiye e hoore UA. Kawrital ngal hooreejo fedde dental leyɗe Afrik e ardiiɗo goomu UA ngaɗi e yeeso jaayndiyankooɓe e timmoɗe jonnde ndee, oo nantini yoga e anniyaaji UA e ndee hitaande. Minati DIALLO

Yimɓe woɓɓe Jogiiɓe Kaɓirɗe mbari yimɓe ba cappanɗe nayo e jeweego hawtaade e ciwlude woɓɓe ɗuuɗɓe nder gure pamere ba tati haa Diiwal Nayja nder hakkundeere lesdi Naajeeriya nder kippe (piyanɗe) ɗe ɓe njaari haa gure ɗen beete ñande keeña Asawe.  ‎ ‎Gooto nder yimɓe seydiiɓe kippol Wuro Tunga  Makeri  ngon  nden mo Allah hisni ndaa ko famtini dow haala kippol ngol haa faandu haala

Seppo yuɓɓinaama hanki e Dakar ngam wullitaade alhaali debbati-gorkati en e daaɓondirgol rafi Sida e dow belaaɗe. Yuɓɓinɓe ngoo seppo ñaagi ko tiiɗtingol kuule toɗɗiiɗe ɗee baɗe. Mooɓondiral ngal ummuri ko Rond point Liberte 5 fayi Rond point Jet d’aeu. Kettoɗen gooto e seppooɓe ɓe

Hannde e taskaram men Kaabaaruuji lolluɗi e ndee yontere hiɗen suɓi taskaram Kiwal taariindi e taskaram faggudu e ɓamtaare Afrik, ƴamiiɗi e ndee yontere

O neɗɗo mawɗo malinaajo hino dogi leydi mun fatti Algerie sabu lurral makko e konu ardiingu Mali. O yewtidii e Abdoulaye Dicko Mauritanie e nder jonnde Afrikyankoore fawiinde e Jam, wonnde e waɗude Nouakchott. Ebi’ol Imam Mahmoud Dicko, ko kaaldal tan waawi dartinde fitinaaji e nder Mali. Heɗoɗen yewtere makko e Abdoulaye Dicko

To Burkina Faso, subaka aset hanki, kuliyankooɓe mbaɗii njanngu muusngu e dow daakorde konu ngu to Titao, senngo rewo leydi ndi, woɗɗaani keerol maɓɓe e Mali. Bonanndaaji keewɗi mbaɗi. Fayso tawii alaa tawo limoore saaktaande, hollaama wonde konunkooɓe heewɓe mbaraama, woɓɓe nji’aaka tawo. Ɓeen kuliyankooɓe mbaɗii kadi jaynge e jeere wuro ngo. Oumar Mamadou SOW

Yimɓe woɓɓe jogiiɓe kaɓirɗe mbari yimɓe ko waɗata cappanɗe nayo e jeegomo e nder diiwal Nayja haa hakkundeere lesdi Naajeeriya. Kaɓirɗe ɓen njaari kippe walla piyanɗe nder gure ba tati haa giifa Borgu nder diiwal Nayja ngal ɓaɓɓol yaago beete keeña Asawe. Yaa'u Ciwto Gemmbu

Ethiopie : jonnde cappanɗe tati e jeenaɓiire dental leyɗeele Afrik fuɗɗiima, hanki, to Addis Abeba. Ko alet hannde nde joofata. Mahmoud Ali Youssouf, gardiiɗo njuɓɓudi dental ngal, artii, hanki e eɓɓooje poɗɗe daɗɗeede ngam ɓeydude faggudu dental leyɗeele Afrik ngal. Mahmoud Ali Youssouf hollii kadi kulhuli mum e fitinaaji keewɗi cariiɗi e nder Afrik, kadi e aduna oo. Ko David Baché, RFI Paris ƴetti konngi. Keɗoɗen.

Ɗuum yuɓɓinaa ko e sahaa hakkunde kareeli juutɗi e ɓeydagol samminere laamu, fedde ndee woni ko e mbaayliigu. Ndeeɗoo hawriinde hitaande kala udditi mooɓondiral mum ko e nder ngonka faayre mawnde ngam jam e nder doŋre hee. Hooreejo Dental Afrik keso oo, hono Évariste Ndayishimiye, Gardiiɗo Burundi, waɗi ko heɓde ndiyam laaɓɗam, ceniɗam huunde arwaniire wonande hitaande 2026 ndee. Kedoden Oumar Elhadj THIAM

Eccopiya : jonnde capanɗe tati e jeenaɓiire dental leyɗeele Afrik fuɗɗiima, hannde, to Adis Abeba. Ko alet janngo nde joofata. Hooreejo leydi Gine Mamadi Doumbouya tawtoraama jonnde mum adande. Kono hooreeɓe leyɗeele Tchad, Congo e Rwanda Paul Kagame, tawtoraaka ndee jonnde. Kabaaru goɗɗo e nde jonnde ko suɓagol gardiiɗo dental leyɗeele Afrik keso. Oon ko Evariste Ndayshimiye, hooreejo Burundi. O artii e tiitoonde jonnde hikka ndee woni ‘‘heɓugol ndiyam ceniɗam e laaɓal’’. Keɗoɗen mo e faandu haala David Baché, RFI Paris

Kolaaɗo kuuɓal fedde ONU, Antonio Gutterres ina tawaa e ndee jonnde wonde e waɗude to Ethiopie, e nder ɗum o heɓi fartaŋe waɗude yeewtere e haalirde Rfi, e nder mayre o artii e alhaali leyɗe Sahel. Omo noddi ɗee leyɗe yettude yeru e yoga leyɗe juɓɓinɗe woote caggal samminere, tabbinde jokkondiral hakkunde leyɗe ɗee ngam haɓude kuliyankaaku. Keɗoɗen konnguɗi makko e faanu hala David Bache.

Heɗiyannkooɓe Rfi Fulfulde on salminaama. On jaɓɓaama ka  taskaram Ko Mbiiɗon? hiɗen jaɓɓiihannde ka ñiiɓirde Rfi Fulfulde Abraham Singa yimoowo lolluɗo ka diiwal Labe e nder Gine .Ɗum ko nokku taweteeɗo to rewo leydi ndin. En yewtiday makko fii eɓɓoore makko yaltinngolkoral makko kesal. Ummu BAH

On njaarnaama e keɗagol e rewindaade RFI fulfulde daaɗe dunuyaaru. Bismilla mon e taskaram men kabaaruuji yontere. Eɗen njaɓɓii hannde Fatoumata Banel Ba, jaayndiyanke, tammbiiɗo hannde duɗal mawngal biyateengal " Ecole politique de Thies", diiwal naayoraade fuɗnaange leydi Senegal, ko woɗɗaani laamorgo leydi ndii.

Guinee : e nde yontyere rewɓe 10 maayi e daɓɓitere leydi e oogirde kaŋŋe nokkure Kondianakoro to falnde Mandiana diwal Haute Guinée ka funnaange leydi. Be rewɓe tawi hino yahi ɗaɓɓugol kaŋŋe fewndo leydi ndin daɓɓitii yani e maɓɓe wi’i seedeɓe. Wo fureeji yiitaama.

Konunkooɓe, sabu seeditaade tawegol nbo e samminere fuujunde e lewru 10ɓr hitaande ɓennunde ndee. Caggal nde ñaawoore ndee joofi, Mário Lino Pereira da Veiga, jom-konngol awokaaɓe Simões Pereira, hooreejo lannda PAIGC, dummbaaɗo ko ina ɓura balɗe 70 e jokkondiral e fitinaaji konunkooɓ ñalnde 26 11ɓ 2025, hollitii wonde sokeede Domingos Simões Pereira tawaaka e yamiroore Tirbinaal ngal, ko ɗum waɗi omo sikki wonnde ina gasa ndun ñaawirduwonntaa hannde kadi noddude o dawroyanke sabu tefde mo.Mário da Veiga anndini wonde Simões Pereira ina selliri hakkille, tee waawno jaabaade naamne ñaawooɓe ɓee fof ngam riiwtude kala sikkaye e naatgol makko e samminere laamu.

Tummbondiral hooreeɓe leyɗe e ardiiɓe laamuuji rennduɓe e Dental Afrik  UA , fuɗɗoo e aseweere hannde nde to Addis Abeba leydi Ethiopie. Ngal tummbondiral saabiima batuuji hebaaru njuɓɓinaa alarba e alkames. Ina tawaa e toɓɓe padaaɗe e ndee jonnde 39ɓiire, alhaali saattingol Soudan e nder UA, jaggorande Somalie e salaade keptingol « Somaliland » immoraade e Israel. Toɓɓe goɗɗe wano hesɗitingol leyɗe tawaaɗe e catal jam e ndeenaagu fedde nde, walla kadi faggudu. Oumar Mamadou SOW.

Hooreejo jaagorɓe Italie Giorgia Meloni hewtii hannde aljuma Addis Abeba, laamorgo Ethiopie ngam tawtoreede e jonnde ɗiɗaɓere Afrique -Italie. Ndee jonnde yuɓɓinaaɓe duuɓi ɗiɗi ɓawto nde guwerneman Giorgia Meloni anndini fii ndee feere maɓɓe faade e duunde Afrik no wi’e « plan Mattei » ndee feere maɓɓe ndee miliyar 5 kaalisi ero,  ko ngam tambitaaɗe walla laatinnde projeeji bamtaare leyɗe Afrik ko timmi 14

Toɓɓere yewtere men yowitii hannde ko e ŋakkere jannginooɓe teskaande no feewi e lekkollaaji ɗii e nder leyɗe keewɗe e duunde Afrik teetinii e nder nderi (dowri) leyɗe ɗee.

On Tottaama Konngol Hannde e nder ndee yeewtere udditiinde, on kollii miijooji mon e ko faati e kabaaruuji ɗi njiɗɗon artude e mum e nder ndee yontere.

Gila nduu lewru 2ɓuru fuɗɗii, kabaaru mo wonaa goonga sarike sanne e dow mejaaje renndo. Kabaaru wi’uɗo wonnde ardiiɓe Senegaal toŋanii rewɓe jeyaaɓe Liban wuurɓe Senegaal jinnbingol e nder leydi ndii. E bi'ol maɓɓe Senegaal ƴettii ngal pellital sabu Liban kadi newnanaa rewɓe afriknaaɓe jibingol to maɓɓe to maɓɓe. Kono dalil hay e gooto goonginaali ngoltoŋugol. Tidiane Maloun BARRY no artana en e ndee toɓɓere.

Ardiiɓe Dental Europe, kawruɓe to Alden Biesen, to  Beljik, nanondirii hanki e dowtoɓɓe keewɗe ngam semmbinde ɓuro ɓuro maɓɓe hakkunde maɓɓe e Dawlaaɗi DentuɗiAmerik e Chine. Waylugol sarɗiiji kawgel, moƴƴitingol golle ɗe, ɓurde fayodinde piijimoƴƴinaaɗe Europe woni "Made in Europe" ina njeyaa e peeje ɗe Bruxelles fodii huutoraadegila e lewru 3ɓuru. Kono e ngol kollirgol ngootaagu, luural ina jokki, teeŋti noon hakkundeParis e Berlin. Boly BA

Dental Durooɓe ngal Mi yetti Allah haa lesdi Naajeeriya wooɗɗini hoore maangal gila gollebonabonnaaluku ɗe Depite en woɓɓe ɓe Lesdi America tuumiringal Dental ngal famtini banni caggal nde Depite en woɓɓe njowo ɓe Lesdi America ɗaɓɓiti dow Dental ngal e tokora maangal ngal Mi yetti Allah kawtal hoore e ma ngomnaajo Diiwal Kano Rabiu Musa Kwonkwoso kombee sabu tuumooje aybe golle bonabonnaaluku e toskugo Masiiyanko'en

Ciimtol ƴewtagol maayde no wi’iee otopsi janngoowo biyeteeɗo Abdoulaye Ba, mo maayde mum tabitinaa ñalnde jeenay nduu lewru, hollitii holno oo maayiri. Ƴeewndo safrooɓe ɓee hollii ko oo waraaɗo, saɓu cimtol ngol holli wonde ko fawaaɗo fintnaaji muusɗi haa o gaañaa. Ɓesngu makko, e kuccondiral mum e jaayndiyankooɓe hanki, na jokki e namndaade tefoore ngam anndude waɗuɓe ɗum. Abdoulaye DIALLO

Waylitere nde mawnaani waɗii e nder guwernma Mali. Jaagorɗe tati cemmbinɗe ɓeydanaamadoole, kono deen waylitere ina toɗɗii jaagorɗe nayi. Ɗeen jaagorɗe ngoni, wertaango leydindi, baawrital, ndema, e jaagorgal Uyki e diƴƴe. Fayso tawii limoore jaagorɓe 28 ɓe ɓeydaaki,waylitere nde ina holla e yi’ande yoga e heertorɓe dawro, yidde laamu ngu yaawnude golle ɗee ɓamagol yogo e pellitte mawɗe. Keɗoɗen jantoore Oumar Mamadou SOW.