你嘅世界裏面、紋身對你黎講、可能好普通嘅事、對我黎講、一啲都唔普通、紋身係一生一世、以為紋上你嘅名、就可以表達俾你知你有幾重要、但原來唔係、係你眼裏、我同其他人都一樣膚淺嗎？我都有表達得唔夠好嘅時候、一直不停檢討所有事情、有咩地方做得唔夠好、雖然我個人性格同思想都好飄忽

好似無論做啲咩、都得唔到你嘅認同、有時真係好沮喪、每日都諗要做啲咩先會被你認同、講緊嘅認同、你知道係咩嗎？
你覺得我唔認真？一直以為同你去溝通、講嘢、就可以大家互相了解、你就會認同我多一啲、但你太特別、好似連同你溝通嘅資格都無
工作嘅關係、會接觸好多唔同階層嘅人、唔同類別嘅男性、你係最難溝通嘅一個…好多事情都存在不確定性、俾唔到任何信心我..甚至一啲安全感都無、好似做每樣事情、都唔能夠令到你開心、同安心

一直缺乏正常溝通同互動、根本就好難了解你、你比我更加冷、係我角度、又唔係同你共同生活、根本唔需要去管你任何野、你有絕對嘅自由、大家都係成年人、只有唯一一樣需要管嘅就係「忠誠」、其他事情嘅話、大家無共同一齊生活、好難去定義、如果你真係需要證明有幾緊張你、你不如直接話我知要做啲咩、好想去關心你、但係都唔知道點關心你、完全唔知點做、因為無任何正常溝通嘅方式、或者方法、溝通得好辛苦

一直同你去溝通都好辛苦、一直不斷去自我檢討、不斷用唔同嘅方式或方法去維持溝通、但越想同你溝通、就越混亂、最後就變成咁、我越想你開心、你就好似越唔開心、我已經唔亂講野、因為我確定唔到你嘅想法、亦唔想表達錯誤嘅訊息、一直都好多挫敗感圍繞着我、更加令我不安、要點樣先可以令你明白係我嘅目標