Festo okaze de Tago de Mortintoj en San Diego.

Usona politikisto @jd-vance-1.bsky.social diras, ke oni ne volas najbaron, kiun oni ne komprenas pro malsama lingvo. Responde do mi finvenkismumas. Li tamen ne aŭskultos min (bonŝance por multaj esperantistoj, kiuj sendube--kaj ne tute senkiale--ne volus lin en la movado).

Hodiaŭ mi preparis pecojn de tortiljoj frititajn en kapsika saŭco kiel matenmanĝon por mia edzino. (Bedaŭrinde la avokado ne tre belas, sed ĝi estas almenaŭ bongusta.) Ĉi tiun pladon oni konas kiel chilaquiles (pron. ĉilakiles) en Meksiko.

Mi vidis ies ringkuketon kaj volis unu mian...

Antaŭnelonge mi ekrankopiis afiŝon pri tiu ulo en la eks-birdejo (Twitter/X) kaj plusendis al kelkaj esperantistaj amikoj kun la komento: "mdr lia nomo signifas bovinon en Esperanto". Mi konfesas, ke mi ne ĉiam kondutas plenkreskule...

Mi delonge scias, ke la nomo de mia ŝtato, Kalifornio, (ŝajne) venas el hispana rakonto pri amazona reĝino nomita Kalifia. Ĝis lastatempa afiŝo de la vortara firmo Merriam-Webster, mi ne pensis pri eventuala etimologia rilato kun kalifo (islama regnestro).

Saluton, amikoj! Mi estas nova ĉi tie kaj ŝatus trovi esperantistojn. Mi afiŝos plejparte en Esperanto...