Onte xoguei a primeira sesión (de poucas, estimamos) da miña última partida de rol (ultimamente, máis espaciadas do que me gustaría). Xogamos no mundo de Glorantha, co sistema QuestWorlds, en castelán, e o DX foi Albesias (o seu Bluesky, o seu blog), espírito bastante afín a min en gustos roleiros e compañeiro xa duns cantos líos. Do sistema, nada que dicir, xa que apenas o usamos e non o coñezo (e preveo nin usalo moito nin coñecelo moito, polo menos desta vez). Sen embargo, a preparación da partida levoume a investigar Glorantha e a saber máis dese mundo secundario e o que atopei resultoume moi interesante, cun sabor especial. Ilustración da cosmoloxía do mundo de Glorantha, por Katrin Dirim. Creo que está en _Cults of RuneQuest: The Prosopaedia_ (2023). Gústame moito o moi inspirado que está nas culturas pasadas reais da Terra, con moita atención ao detalle e moita comprensión profunda desas culturas, e ademais sen calcar, é dicir, creando culturas realmente orixinais, na miña opinión. Gústame ademais que as culturas concretas nas que se inspira sexan as que identificamos coa Idade de Bronce (pre-1000 a. C., falando mal). (…e coa Idade de Ferro?) Estamos a falar de: sumerios, acadios, os exipcios do Reino Antigo, os minoicos, a cultura Harappa, a China prehistórica tardía, etc. Finalmente, gústame moito tamén como a existencia real e palpable das divinidades (inspiradas nas desas culturas) ten un peso real e palpable no mundo, e como os mitos, a relixión e o pensamento mítico-relixioso son algo relevante dunha forma moi inmediata. Danlle a este mundo un sabor moi distinto aos doutros mundos secundarios do rol, que adoitan ser explorados cunha mirada moi naturalista-positivista. Coido que esta non será a miña derradeira incursión en Glorantha. __________

Hoy nos acompaña Sirio Sesenra y discutiremos sobre como bajar a quien dirige del pedestal... elegid armas... Figth!

YouTube video by Harrenrol