O catálogo de xogos de PlayStation Plus deste mes chega cargado de emocións fortes e propostas moi diversas, ideais para a tempada de sustos co gallo do Samaín. A partir do martes 21, os subscritores das modalidades Extra e Premium poderán explorar o esperado remake de Silent Hill 2, revivir o clásico do terror interactivo Until Dawn, asumir a vida dunha criatura da noite en V Rising ou mergullarse no universo cheo de humor e drama de Yakuza: Like a Dragon.

Google anunciou hoxe a chegada de Veo 3.1, a nova versión do seu modelo de vídeo que ofrece unha maior calidade audiovisual, un realismo mellorado e un control narrativo máis preciso, no que parece unha resposta ao éxito de Sora 2, que está a ter grande viralidade nos EE.UU.

Os días pasados chegou ao seu remate o proxecto europeo ClinicalModelling, unha iniciativa Erasmus+ desenvolvida en colaboración con nove institucións de España, Portugal, Polonia e Eslovenia que consolidou o vídeo-modelado, o automodelado e as lentes intelixentes como unha metodoloxía transformadora na educación sanitaria, cun claro potencial para unha adopción máis ampla en toda Europa. No proxecto participou durante dous anos a Facultade de Enfermería da USC.

O secretario xeral da Lingua, Valentín García, participou este 15 de outubro en Santiago na comisión de seguimento do protocolo de colaboración en política lingüística subscrito polos gobernos de Galicia, Euskadi, Cataluña, Navarra, Comunidade Valenciana e Illas Baleares. Na xuntanza os participantes expuxeron os avances nalgúns dos asuntos postos sobre a mesa na última reunión e abordaron cuestións que teñen que ver coa situación das linguas nos ámbitos non formais, especialmente no que se refire á mocidade, así como no eido económico e da xustiza.

Apple presentou a nova versión do seu dispositivo de realidade estendida, Apple Vision Pro, que incorpora o novo procesador M5 e un renovado deseño con banda téxtil de dobre tira para mellorar a súa comodidade de uso. O modelo chega con melloras destacadas en rendemento, calidade de imaxe e autonomía, e con novas experiencias espaciais grazas a visionOS 26. Polo momento o produto segue fóra do mercado español, e o seu prezo en Francia e Alemaña parte dos 3.699 euros, con opcións de 256 GB, 512 GB e 1 TB de almacenamento.

Apple presentou o novo iPad Pro impulsado polo procesador M5, que supón un gran avance en potencia, velocidade e capacidade de intelixencia artificial. O dispositivo, dispoñible en 11 e 13 polgadas e con deseño en negro espacial ou prata, incorpora a pantalla Ultra Retina XDR, que ofrece un contraste extremo e brillo de ata 1.600 nits en contido HDR.

Apple presentou o novo MacBook Pro de 14 polgadas impulsado polo chip M5, que introduce un notable avance nas capacidades de intelixencia artificial e melloras en case todos os apartados técnicos do portátil profesional. O novo procesador ofrece ata 3,5 veces máis rendemento en tarefas de IA e gráficos ata un 60 % máis rápidos que na xeración anterior, grazas a unha GPU de última xeración con Neural Accelerator en cada núcleo, unha CPU máis veloz e eficiente e un Neural Engine optimizado.

Apple anunciou o lanzamento do M5, o seu novo procesador deseñado para ofrecer un importante salto en rendemento, especialmente nas tarefas de intelixencia artificial e nos procesos gráficos. O chip está fabricado con tecnoloxía de tres nanómetros de terceira xeración e integra unha nova arquitectura de GPU con dez núcleos, cada un deles equipado cun Neural Accelerator dedicado. Esta innovación permite cuadriplicar o rendemento máximo da GPU respecto ao M4 e multiplicalo por seis en comparación co M1.

A Xunta de Galicia designou finalmente as 12 persoas expertas que formarán parte do novo Consello Asesor de Investigación e Innovación de Galicia (I+G+i), entre as que se atopan referentes do ámbito das novas tecnoloxías da información como por exemplo Minia Manteiga, investigadora do Centro de Investigación TIC (CITIC) da UDC (experta en astrofísica computacional e ciencia de datos), ou Senén Barro, director científico do CiTIUS da USC.

A Cámara de Comercio de Santiago organiza este mes de outubro unha nova xornada de transformación empresarial centrada, desta volta, nas posibilidades da Intelixencia Artificial para incrementar rendibilidade, competitividade, marca, visibilidade, comunicación e eficiencia. O seminario en liña IA para pemes: oportunidades reais e como empezar. Será ás 10.00 horas e terá unha hora de duración. Desenvolverase en liña e será de balde.

O conselleiro de Educación, Ciencia, Universidades e Formación Profesional, Román Rodríguez, reuniuse hoxe con representantes das facultades de Educación galegas para continuar avanzando na redacción da futura Lei de educación dixital, unha norma pioneira coa que a Xunta de Galicia pretende regular o uso das novas tecnoloxías nas aulas dos centros educativos.

Hai un par de anos Meta lanzou o visor de realidade virtual Meta Quest 3, co difícil obxectivo de superar ao visor Meta Quest 2, que se converteu rapidamente en líder do sector polas súas grandes posibilidades a un prezo moi axustado.

Samsung Electronics foi recoñecida por Interbrand, consultora que publica cada ano unha listaxe coas mellores marcas a nivel global, como marca Global Top 5 por sexto ano consecutivo. Na listaxe deste ano, Samsung rexistrou un valor de marca de 90.500 millóns de dólares, mantendo a súa posición como a única empresa asiática que permanece entre as cinco primeiras do mundo desde 2020.

A Escola Galega de Administración Pública (EGAP) acolle esta semana, o xoves 16 e o venres 17 de outubro, o curso monográfico A regulación da Intelixencia Artificial: sistemas e datos. Regulación da normativa europea, estatal e autonómica. Nel participarán destacados expertos nacionais en Dereito Administrativo durante dous días.

O Instituto de Humanidades da USC (iHUS) e o Ministerio para a Transición Ecolóxica e o Reto demográfico desenvolveron este martes 14 de outubro no CEA (Centro de Estudos Avanzados, Finca de Vista de Alegre) unha xornada para poñer en común as redes de traballo e estudo da filosofía que existen sobre a Intelixencia Artificial.

A Rede é unha gran ferramenta e, como tal, resulta positiva ou negativa dependendo do uso que lle dean os internautas. Para a consultora galega Vitae, referente na formación tecnolóxica avanzada para profesionais dos sectores innovadores, o feito de que o mundo dixital posúa grandes e importantes utilidades non debe facernos esquecer a necesidade de protexer as nosas empresas. Para axudarnos neste punto, a consultora galega Vitae convocou a 4ª edición do Curso Desenvolvemento Seguro ante Ciberataques, de seis horas de duración e impartido polo experto Daniel García. Levarase a cabo en formato de aula virtual, con clases en directo recuperábeis, os días 12 e 19 de novembro.

Mozilla reforza o seu compromiso coa privacidade e a liberdade de elección coa última actualización de Firefox, que incorpora novas funcións pensadas para que o usuario teña un maior control sobre a súa experiencia na web. Entre as novidades destaca a integración de Perplexity, o motor de resposta baseado en intelixencia artificial, que pasa a formar parte das opcións de busca dispoñibles en escritorio.

Hai un ano Disney+ sumouse á tendencia da suba de prezo dos servizos de streaming, levando o seu plan estándar de 8,99 a 9,99 euros/mes (ou de 89,90 a 99,90 euros/ano) e o plan premium de 11,99 a 13,99 euros/mes (ou 119,90 a 139,90 euros/ano), pero no mes de novembro os prezos volven subir, colocándose o plan estándar a 10,99 euros/mes ou 109,90 euros/ano, e o plan Premium queda en 15,99 euros/mes e 159,90 euros/ano.

nVIDIA anunciou o inicio da distribución do nVIDIA DGX Spark, definido pola compañía como o superordenador de intelixencia artificial máis compacto existente, que xa se presentara no CES e na conferencia GTC, polo que había bastante expectación polo produto.

Netflix e Spotify anunciaron un acordo histórico que levará algúns dos videopodcast máis populares de The Ringer e outras producións ao catálogo de ambas plataformas. A partir de comezos de 2026, títulos como The Bill Simmons Podcast, The Ringer NFL Show, The Rewatchables ou Conspiracy Theories poderán verse con vídeo tanto en Netflix como en Spotify, nun movemento que consolida a converxencia entre o streaming audiovisual e o podcasting.

Hai uns días Motorola anticipou que entraría na competición dos smartphones ultrafinos co Motorola Edge 70 5G, que se rumoreaba que tería un grosor inferior ao 6 milímetros, sen chegar a ser tan delgado como un iPhone Air ou un Samsung Galaxy Edge, pero a realidade podería ser ben diferente, xa que Lenovo vén de publicar na súa páxina web a ficha do Moto X70 Air, que sería a versión chinesa deste smartphone, sorprendendo por ter un grosor de só 5,3 milímetros e un peso de 159 gramos, colocándose á cabeza nesta carreira.

Call of Duty: Black Ops 7, que chegará o 14 de novembro, incorporará un novo modo multixogador deseñado para fomentar a competencia e o traballo en equipo: Overload. Neste modo, dous equipos de seis xogadores enfróntanse para escoltar un dispositivo chamado Overload Device ata as zonas de control do inimigo e así sumar puntos. O reto está en coordinarse, defender o portador e anticipar os movementos do rival.

Comparecencia ante os medios posterior ao Consello de Ministros O Consello de Ministros aprobou a convocatoria dun concurso público para adxudicar, en réxime de concorrencia, unha nova licenza para a prestación do servizo de televisión dixital terrestre (TDT) en aberto, cun ámbito de cobertura que se estenderá a todo o territorio nacional.

Ludovica Aisa, investigadora predoutoral do CiTIUS, foi recoñecida cun dos dous Best Poster Awards na Conferencia IBER25, un evento celebrado recentemente en Vigo e organizado de xeito conxunto polas sociedades de física de España (RSEF) e Portugal (SP Física), a través do Grupo de Física Atómica e Molecular (GEFAM).

O Centro de Investigación Mariña (CIM) da Universidade de Vigo organiza entre este martes 14 de outubro e este mércores 14, no edificio Redeiras, un encontro internacional no que participan 18 expertos en peixes migratorios procedentes de institucións de Estados Unidos, Reino Unido, Austria, Países Baixos, Hungría, Portugal e España.