Bara'ah (براءة)
banner
baramond.bsky.social
Bara'ah (براءة)
@baramond.bsky.social
180 followers 150 following 500 posts
Here and there like a wave, making a road for a dream
Posts Media Videos Starter Packs
صحيح، أنا بحس أنه الفرح في هذا الموضع ضروري لإغاظة الأعداء والمتربصين وخصوصي بعد موجة "شو فرقنا عن وقت الساقط"؟ الفرح للتذكير بالنصر اللي صار وأنه مالازم يضيع بس لازم نعرف أنه هالفرحة ناقصة كتيييير وماحتكتمل بلا ماترجع الجزيرة ليكون الفرح عن حق.
تؤبشيني دخيل قلبك و لااااااايهمك، مابكفي حتطالعيه من مود التصحيح الممل 😌 أهم شي صحتك و صحتك ❤️🤍
حسابي الثوري الأساسي بال 2017 سكرته بلا ماقول، بهداك الوقت ماكان بدي حدا يثنيني عن قراري لأنه كان كتير عم ياخد من طاقتي ونفسيتي وكان بدي قرار حاسم نفذ بلا تردد. لكن لو خبرت كنت شفت مجال لتواصل مع ناس بعزهم بطرق تانية.
كانوا بفكروا حالهم مخلدين وكأنهم آلهة بأمرهم الموت والحياة وماحدا لازم يوقف بوجه طغيانهم وقتلهم وسرقاتهم.مو طبيعي شو بيتشابهوا هالطغاة وزبانيتهم وأعوانهم بالوحشية و التفرعن و استسهال الدماء والتنكيل وحب التعذيب والكسر والتخويف من الإسلاميين وفبركة الإرهاب. نهايته كانت قليلة عليه لهالمتوحش. الله كبير
سبحان الله اللي جعل نهايته بهالشكل لهالسفاح، وين حيروح من دعوات المظومين في أيام وليالي مستجابة الدعاء. ولسا عقاب الله أعظم. حيوانات وحشية قذرة، متل اللي كانوا عنا، نفس التجبر والضرب والتكسير والسحل. حتى بالإعدام قمة الهمجية، هداك عم يقفز فوق الشخص المعلق من رقبته. الله يلعنهم.
سلاااامتك سلامتك معافاية يااارب يا سنا .. كيف صرتي هلأ ..
هو غالبا هيصفن شوي المصحح بس ولااايهمك 😅
اللهم أجر و عافية
همم غالبا سمبوسك بس الكاف بطير معظمها مع اللفظ
جزء من استخدامهم أسماء وهمية مشان يقدروا يتنكروا بانتماءات مختلفة ليقولوا آراءهم السامة، اللي بيتهم الحكومة بانتهاكات وجرائم و اللي مع قسد وبلمعلها بس بقول أنا سني من الشام و أنا ثوري من أول الثورة واللي كان معتقل واللي عنده شهيد، يعني مكشوفين بس أنه مفكربن لما بيتلبسوا هويتنا بنصير تقبل كذباتهم
البعض هيك (الدين لله والعرس للعروس والعريس) و (هو يوم ) ومن هالحكي و البعض بيبقى بالحجاب المطابق للفستان بس مع إكسسوارات وماكياج كامل. أنه مابعرف كيف بيرتاحوا بهالوضع مع النظرات والتمعنات. متل ماقالت عالية الله يهدينا جميع.
وكله كوم والرقص مع الحجاب كوم تاني .. مابقدر كمل الفيديو
فاجأتني فعلا كنت مفكرة أنه مجتمع محافظ بهالأمور بالذات. من فترة رفيقتي انعزموا على عرس لجماعة الأحباش باللادقية، هدول كل أعراسهم مختلطة وبيعملوا اللي بقولوا شيخهم وبس، مثلا العروس تلبس اللي بدها ياه أد مايكون ضيق وهيك بس يكون مغطى الجلد و رقص عادي وهيك.
وحدة من الأمور المنتشرة جدا بالمجتمع المصري حتى بين أوساط الملتزمين وهذا الأغرب (حاليا بلشت تقل فعلا) لهيك مثلا أنه فساتين عرس للمحجبات أمر موجود كتير، حتى "الرقاصة" كانوا يجيبوها بشكل صادم أنه ماذا يجري هنا. عأساس هي "عادات الأعراس" اللي المفترض هي بالذات يتمردوا عليها.
عام 1974 قامت الممثلة الصربية ماربنا أبراموفيتش بعرض تحمل سمي ب Rhythm 0
مدة العرض 6س تقف بدون أي ردة فعل وأمامها طاولة تحمل 74شيئا من الوردة للسكين والمسدس وتركت الناس تفعل بها ماتشاء دون محاسبة ولامقاومة. التجربة انتهت بها مقطعة الملابس ومجروحة العنق وتحرشات. غياب المساءلة الذاتية قبل القانونية
خاتم غيغس الذي ذكره افلاطون في محاوراته يمنح مرتديه قدرة الاختفاء، ليظهر أن غياب المراقبة يغير سلوك الإنسان
تطبيقات الرسائل المخفية تفعل الشيء نفسه: خصوصية مؤقتة وحرية تصرف، لتؤكد أن غياب المراقبة و ضمان اختفاء الأثر يجرد الإنسان من أخلاقه
تطبيقات متل ngl وكل موقع عموماً للـ ask anonymously ناس كتير بتطالع فيها أمراضها وكراهيتها وتتجرأ تقول كلام بعمرها ما رح تقولوا بصفتها الحقيقة. لهيك ما بحبها.
أووه يا لين 👏👏 و هدول اللي عم يقبلوا اعتذارات هالمتواطئين هم اللي غالبا لاتوجعوا ولافقدوا حدا. ياترى هالأم باللادقية اللي فقدت أربع شباب من ولادها تحت التعذيب مفكرين حيهمها كلمة الاعتذار اللي غالبا عم يقولوها بس لتمشي حفلاتهم والبزنس تبعهم. ولو شافوا مصلحتهم بالتشكيك بمعاناتنا حيرجعوا.
يا الله هالإنسان راائع المهندس أيمن عبدالرحيم و زوجته الدكتورة شيماء علي و صبرها. محاضراته من أجمل ماسمعت فكرا و أسلوبا. الله يفك أسره عاجلا غير آجل ويرجع لعائلته و يبارك في علمه.
وأعتقد أنها ليست تلك المعرفة "العقلية" التنظيرية المجردة و إنما معرفة قلب سليم لاقاس ولا غلف، كان هناك مايسمى بإيمان العجائز، إيمان نقي بيقين بالله ورحمته وأقداره رغم قلة معرفتها النظرية الشرعية إلا ماعرف من الدين بالضرورة، بينما آخرون كالحمار يحمل أسفارا. الله يعلمنا عنه بيقين ويثبتنا
ماشاء الله، موسم مبارك بإذن الله .. الأرض عم تنتعش وترجع و تحلى تعيش بعد سقوط هالنظام
الله يحميلك ياهم .. الجزء الأول هو الأحلى بالسلسلة
ياااهلا ياهلا .. هي بالذات عن تجربة شخصية، ومتل ماقلتي توترات وبصير بدي أمدد أو أخلص وأنا غير رضيانة مع أنه أنا اللي حددت الموعد. فصرت آخد وقتي الكافي ومعه مساحة أمان والأمور فرقت.
لما بيطلبوا منك تحدد وقت لتعمل مهمة معينة خود وقتك الكافي و لاتتحمس زيادة أنك فيك تخلصها بوقت قياسي. بالمهمات الجديدة بالذات اعمل لحالك Buffer time عالأقل يعادل 50% من وقت المهمة اللي حددته مشان أي طوارئ أو مشاكل.

لتتجاوز التسويف اعمل خطوات صغيرة متتابعة بالبداية ولو فتح الجهاز وكتابة عنوان
حلقو بنصيحة علمية /طبية/مهنية
خلونا نستفيد منها
الله سبحانه بيبلي و بعين على تسيير شؤونها وأطفالها وهي عايشة هالتوتر والخوف وترقب الأخبار، شي عظيم. قرايبي وقت الثورة طلع على مصر وبعدين نزل عند رفيقه بغزة و تزوج غزاوية و صارت الحرب، حياة والدته شبه توقفت من الأخبار والانتظار و الهم والخوف عليه. الله يرجعلها زوجها وكل بعيد.
تماما، لازم الواحد يعرف يفرق بين صديقه و رفيقه و زميله لأنه مو كل العلاقات بنفس المستوى، و ما بيتوقع منها نفس النتائج والتعاملات .. و ما تكون جودة الحياة متوقفة على وجود فلان أو عدمه وخصوصا لو كنت بتعرف أنك ما أذيت و لاضريت.
الله يخليلي عيونك الحلوييين وتطيبي بسرعة ❤️❤️
جماعات الشذوذ واللوبي تبعهم عملت ضغط وتدخل لدرجة أنه ممكن ينمنع ممثل ولو درجة أولى يمثل لمجرد أنه قال تصريح ماناسبهم. نحنا ماعارفين حتى نعمل ضغط عالمنتجين بمقاطعة أعمالهم. طبعا هم ماشيين بخط اللي عاطينهم الإقامة الدهبية و الأدوار.
تماما الله يفتح عليك. نحنا نعيش في دنيا عم نشوف رأي العين أن لاعدل فيها وإنما العدالة المطلقة في الآخرة لهيك "لكيلا تأسوا على مافاتكم ولا تفرحوا بما آتاكم" و المووزبن الدنيوية للأيف مضطربة ومادية لكن هناك دائما أمل بالله و يقين أن أمر المؤمن كله خير.